Шавкат Мирзиёев миллий терма жамоа аъзолари билан гаплашди

Ўзбекистон президенти Шавкат Мирзиёев футбол бўйича Ўзбекистон миллий жамоаси бош мураббийи Тимур Кападзега қўнғироқ қилди.

Давлат раҳбари ўз тарихида илк бор Жаҳон чемпионати йўлланмасини қўлга киритган футболчиларга табрик йўллади.

Президент жамоанинг барча аъзоларига "Ўзбекистон ифтихори" унвони берилишини айтди.

Шунингдек, ФИФА президенти Жанни Инфантино ҳам ўзбекистонлик футболчиларни табриклади.

Эслатиб ўтамиз, 5 июн куни БАА-Ўзбекистон баҳсида ҳисоб очилмади. Натижада Ўзбекистон 18 очко тўплаб ЖЧ учун асосий йўлланмани нақд қилди.

Жаҳон чемпионати 2026 йилда АҚШ, Мексика ва Канада майдонларида бўлиб ўтади.