Таниқли актёр Михаил Каминский вафот этди
У "Шайтанат", "Назира", "Қўрғошин", "Етти ҳайкал, битта кал" каби филмларда роллар ижро этган.
Ўзбекистонда хизмат кўрсатган артист, таниқли кино ва театр актёри Михаил Каминский вафот этди.
Бу ҳақда Ўзбекистон Киноарбоблари ижодий уюшмаси хабар берди.
Михаил Каминский 1953 йилда туғилган. Узоқ ижодий ҳаёти давомида Россия ёш томошабинлар театри ва Тошкент рус театрида актёр бўлиб ишлаган. 1998 йилдан "Аладдин" театрининг бадиий раҳбари. 2022 йилдан ВГИК Тошкент филиали қошидаги актёрлик тўгарагига раҳбарлик қилган.
Каминский кўплаб роллари билан ўзбек томошабинига таниш. Жумладан, "Шайтанат", "Назира", "Қўрғошин", "Етти ҳайкал, битта кал" каби филмларда турли ролларни ижро этган.