UPay тўлов тизими "HUMO"га тўлиқ интеграция қилинди
Айни пайтда тўлов операцияларини амалга ошириш тўлиқ тикланган.
Рақобат қўмитасининг ўрганишлари натижасида, UPay тўлов тизимининг "HUMO"га тўлиқ интеграция қилиниши таъминланди.
Рақобат қўмитасига UPay тўлов тизими томонидан “Миллий банклараро процессинг маркази” АЖ тизими билан интеграция қилишда амалий ёрдам кўрсатиш бўйича мурожаат қилинган.
Ҳолат бўйича Қўмита томонидан белгиланган тартибда ўрганиш ишлари олиб борилиб, “Миллий банклараро процессинг маркази” АЖга расмий сўров юборилди ҳамда мурожаатда баён этилган масала ижобий ҳал этилди.
Натижада, “Maroqand” АЖнинг UPay тўлов тизими HUMO тизимига муваффақиятли интеграция қилинди ва айни пайтда тўлов операцияларини амалга ошириш тўлиқ тикланган.
Аввалроқ Рақобат қўмитаси қурилиш компанияси сабаб зарар кўрган мижозга ёрдам берганди.