Зойир Мирзаев Нурафшонда "Ватанпарвар боғи" учун 5 млрд сўм ажратди

Тошкент вилояти ҳокими Зойир Мирзаев маблағ ажратишга доир фармойишни имзолади. Ҳужжат 2025 йил 5 май куни эълон қилинган.

Вилоят маҳаллий бюджетига 2025 йилда республика бюджетидан ажратилган ссуда маблағлари ҳисобидан “Нурафшон бизнес cити” ҳудудида “Ватанпарвар боғи” қурилиши ишлари учун вилоят ҳокимлигига беш миллиард сўм маблағ берилади.

“Тошкент вилояти ҳокимлиги ҳузуридаги бизнес марказларини қуриш дирекцияси” ДУК (Э.Мирхолиқов) ажратилган маблағларни белгиланган тартибда мақсадли ва самарали сарфланишини таъминлайди.

Фармойиш ижросини таъминлаш вилоят ҳокимининг биринчи ўринбосари О.Турсунов зиммасига юкланган.

Аввалроқ Хоразм вилояти ҳокими Хива шаҳрини ободонлаштиришга 2 млрд сўм ажратганди.