Тошкентдаги технопаркда ёнғин: икки кишининг жасади топилди
5 нафар фуқаро тан жароҳати билан шифохонага юборилган. Ҳозирда тергов олди суриштирув ишлари олиб борилмоқда.
Тошкентдаги цехда ёнғинда бир киши ҳалок бўлди. Бу ҳақда ФВВ хабар берди.
Бугун, 1 май куни Тошкент шаҳар, Яккасарой тумани, Қушбеги кўчасида жойлашган Яккасарой кичик саноат зонаси ҳудудидаги Синтепон ишлаб чиқариш цехида ёнғин рўй берганлиги тўғрисида ФВБга хабар тушган.
Шунга кўра, ёнғин -қутқарув экипажлари ҳодиса жойига етиб бориб, ёнғин олинган ва ўчирилган.
Ёнғин бартараф этилгандан сўнг, ёнғин жойини ўрганиш давомида икки нафар фуқаронинг жасадлари аниқланган. Шунингдек, 5 нафар фуқаро тан жароҳати билан шифохонага юборилган.
Ёнғин ишлаб чиқаришда технологик жараённи бузилиши натижасида юзага келганлиги тахмин қилинмоқда.
Ёнғинни бартараф этишга 11 та асосий, 6 та махсус турдаги ёнғин ўчириш техникалари жалб этилган.
Ёнғин натижасида цехнинг таҳминан 700 кв.м майдонда томи, шифти ва маҳсулотлари ёниб зарарланган.
Мазкур ҳолат юзасидан дастлабки тергов олди суриштирув ишлари олиб борилмоқда.
Воқеа жойига ФВВ раҳбарияти, Тошкент шаҳар ФВБ бошлиғи ва туман ФВБ раҳбар ходимлари ИИБ, ССБ, прокуратура масъул ҳодимлари чиқишган.
