Россияда мигрантларнинг ҳуқуқлари бўйича муҳим йиғилиш бўлиб ўтади

Ўзбекистон Республикаси вазирлик ва идоралари делегацияси Бош прокурор ўринбосари раҳбарлигида Россияга йўл олди.

Улар меҳнат миграцияси ва мигрантлар ҳуқуқларини ҳимоя қилиш масалалари бўйича идоралараро ишчи гуруҳнинг биринчи йиғилишида иштирок этади.

Ишчи делегация таркибига Бош прокуратура, Давлат хавфсизлик хизмати, Миграция агентлиги, Ташқи ишлар, Ички ишлар ва Соғлиқни сақлаш вазирликлари вакиллари киритилган.

Эслатиб ўтамиз, сўнгги вақтларда Россияда мигрантларга тазйиқ кучайгани қайд этилмоқда.

Шунингдек, муҳожирлар фарзандларининг мактабга қабул қилиниши ҳам қийинлаштирилди.