Миробод туманида омборхоналардан бири ёниб кетди
Ёнғин натижасида омборхонанинг тахминан 500 кв.м майдонда ички ва том қисми ёниб зарарланган.
Миробод туманидаги омборхоналардан бири ёниб кетди.
28 апрел куни соат 07:00 да Тошкент шаҳар, Миробод тумани, “Абдурауф Фитрат” МФЙ, Г.Алиев кўчасида жойлашган қурилиш маҳсулотлари сақланаётган омборхоналарнинг бирида ёнғин содир бўлганлиги тўғрисида ФВБга хабар қилинган.
Шунга кўра ёнғин-қутқарув экипажлари ҳодиса жойига етиб бориб, ёнғин ўчирилган.
Ёнғин натижасида омборхонанинг тахминан 500 кв.м майдонда ички ва том қисми ёниб зарарланган.
Ёнғинни бартараф этишга 12 та ёнғин-қутқарув экипажи жалб этилган.
Ҳозирда ёнғин сабаби ва моддий зарар миқдори аниқланмоқда.
Ёнғин оқибатида тан-жароҳати олганлар йўқ.
Воқеа жойига Тошкент шаҳар ва туман ФВБ раҳбар ходимлари чиққан.