Профессор Муфат Маматов вафот этди
У “Эл-юрт ҳурмати” ордени соҳиби, “Ўзбекистон Республикасида хизмат кўрсатган халқ таълими ходими" унвонлари билан тақдирланган.
Жамият
12 апрель, 17:17
Наманган вилояти жамоатчилиги жудоликка учради.
Ўзбекистон таълими, илм-фани ва маънавияти ривожига ҳисса қўшган, “Эл-юрт ҳурмати” ордени соҳиби, “Ўзбекистон Республикасида хизмат кўрсатган халқ таълими ходими”, профессор Муфат Маматов 92 ёшида оламдан ўтди.
Бу ҳақда Наманган вилояти ҳокимлиги хабар берди.
Муфат Маматов 1932 йили Наманган вилояти Чуст туманида туғилган. Фарғона давлат педагогика институтини тамомлаган.
У бутун умрини таълим, тарбия, илм-фан ва маънавият соҳасига бағишлаб, Тошкент ва Намангандаги йирик таълим муассасаларида раҳбарлик лавозимларида самарали фаолият олиб борган.
