Мирободдаги сув ҳавзаси учун 2 млрд сўмдан ошиқ пул ажратилади

Тошкент шаҳар ҳокими Шавкат Умрзоқов пул ажратиш бўйича қарорни имзолади.

2025 йил 2 апрелда эълон қилинган ҳужжатга кўра, Мирободдаги 1-сон ёпиқ сув ҳавзасини реконструкция қилиш учун 2,1 млрд сўм ажратилади.

Пул шаҳар ҳокимлиги ҳузуридаги Тошкент шаҳрини ривожлантириш жамғармаси маблағлари ҳисобидан “Ягона буюртмачи хизмати” инжиниринг компаниясига ажратилади.

Ҳокимнинг биринчи ўринбосари Б. Ҳайдаров маблағлар сарфи бўйича депутатлар кенгашига маълумот киритади. Қарор ижросини назорат қилиш ҳам Б.Ҳайдаров зиммасига юкланган.

Аввалроқ Андижонда ҳудудларни ривожлантириш учун 31 млрд ажратилганди.