Самарқанд шаҳрига кириш ёпилади, талабаларга қисқа таътил берилади

3-5 апрел кунлари Самарқандда биринчи “Марказий Осиё – Европа Иттифоқи” саммити муносабати билан шаҳарга кириш йўллари вақтинча ёпилади, талабаларга қисқа муддатли таътил берилади.

Шу сабабли вилоят ҳудудидан транзит ўтувчи транспорт воситалари учун айланма ҳаракат ташкил этилган. Бу учун махсус флаер ишлаб чиқилган бўлиб, ундаги ҚР-код орқали ташкил этилган айланма йўллар ҳақида маълумот олиш мумкин.

Шунингдек, саммит кунлари хавфсизликни таъминлаш учун Самарқанд шаҳрининг қуйидаги кўчаларида транспорт воситаларининг ҳаракати вақти-вақти билан чекланади:

• Ибн Сино;
• Афросиёб;
• Даҳбед;
• Бўстонсарой;
• Университет хиёбони;
• Намозгоҳ;
• Садриддин Айний;
• Шабод;
• Уста Умар Жўрақулов;
• Регистон;
• Беруний;
• Мирзо Улуғбек.

Ушбу кўчаларда, истисно тариқасида, тез тиббий ёрдам ва фавқулодда вазиятлар бўлинмаларига ҳаракатланишга рухсат берилади.

Бундан ташқари, 1-5 апрел кунлари қуйидаги олийгоҳларга қисқа таътил берилади:

• СамДУ;
• СамДЧТИ;
• СамИСИ;
• "Ипак йўли" Халқаро университети;
• ТАТУ Самарқанд филиали;
• СамДТУ;
• Ўзбек-Финландия педагогика институти.

Ўқув жараёнлари 7 апрель, душанба кундан бошланади. Мазкур таътил ёзги таътил ҳисобидан олинади.