Самарқандда оғир хасталикка чалинган болаларни қўллаб-қувватлаш бўйича Глобал тармоқ тузилиши эълон қилинди
Ўзбекистон Биринчи хоними Зироат Мирзиёева икки йил муддатга Глобал тармоқ раиси бўлди. Унинг раисликка киришиш маросими Болалар онкологияси бўйича халқаро конгресс доирасида ўтказилди.
Самарқандда оғир хасталикка чалинган болаларни қўллаб-қувватлаш бўйича Глобал тармоқ тузилиши эълон қилинди.
Глобал тармоқ тузилишини бугун АҚШнинг “St.Jude” болалар илмий-тадқиқот шифохонаси вице-президенти, “St. Jude Global” директори Карлос Родригес-Галиндо эълон қилди.
Глобал тармоқ оғир ва ҳаёт учун хавфли, жумладан, онкологик касалликларга чалинган болаларни қўллаб-қувватлаш йўлида халқаро ҳамкорлик ва тажриба алмашиш учун биринчи хонимлар ҳамда давлат раҳбарларининг турмуш ўртоқларини бирлаштиради.
Ўзбекистон Биринчи хоними Зироат Мирзиёева икки йил муддатга Глобал тармоқ раиси бўлди. Унинг раисликка киришиш маросими Болалар онкологияси бўйича халқаро конгресс доирасида ўтказилди.
.jpg)
Бу қарор Ўзбекистонда болалар онкологияси хизматини ривожлантириш борасида эришилган ютуқлар, шунингдек, Зироат Мирзиёеванинг саратонга чалинган болаларни қўллаб-қувватлаш, уларнинг сифатли тиббий ёрдамдан фойдаланишини таъминлаш ҳамда ҳаётий ҳолатидан қатъи назар, ҳар бир боланинг ўсиши ва ривожланиши учун шароит яратишдаги фаол ва етакчи ўрнининг эътирофидир.
