Тошкентда солиқ идоралари учун 5 млрд сўм ажратилади
Уларнинг бир қисми ходимларни рағбатлантиришга йўналтирилади.
Халқ депутатлари Тошкент шаҳар кенгаши қарори билан бюджетдан 8,5 млрд сўм маблағ ажратилади. Қарор 2025 йил 26 март куни эълон қилинган.
Ҳужжатга кўра,Тошкент шаҳар маҳаллий бюджетининг 2025 йил 1 январ ҳолатига шаклланган эркин қолдиқ маблағлари ҳисобидан иловага мувофиқ харажатларни молиялаштириш учун 8 535,0 млн (саккиз миллиард беш юз ўттиз беш миллион) сўм маблағ ажратилмоқда.
Маблағлар қуйидагича сарфланади: пойтахтдаги солиқ идоралари моддий-техник базасини яхшилаш ва ходимларни рағбатлантириш мақсадида 5 млрд сўм берилади.
Тошкент шаҳар ҳокимлигининг судлар қарорига асосан чиқарилган қарздорликлари (давлат божи ва бошқалар)ни тўлаш учун 2 млрд сўм тақдим этилади.
Тошкент шаҳар Камбағалликни қисқартириш бошқармасининг 54 нафар ходимларини рағбатлантириш учун (апрел-июн ойларида) 1 млрд 535 млн ажратилади.
Эслатиб ўтамиз, аввалроқ Наманган вилояти ҳокими Янгиқўрғон туманига катта пул ажратганди.
