Ангор тумани ҳокимига жарима жазоси қўлланилди
У вилоят ҳокими томонидан кўрсатиб ўтилган камчиликларни бартараф этиш юзасидан белгиланган топшириқлар ижросига эътиборсизлик билан қараган.
Ангор тумани ҳокими Қосим Мардоновга ойлик иш ҳақининг 30 фоизи миқдорида жарима жазоси белгиланди. Бу ҳақда Сурхондарё вилояти ҳокими Улуғбек Қосимовнинг 2025 йил 14 мартдаги фармойишида маълум қилинган.
Ҳокимга "ўзига юклатилган вазифаларнинг ижросини белгиланган муддатларда бажармаганлиги, иш фаолиятини нотўғри ташкил этганлиги ҳамда вилоят ҳокими томонидан кўрсатиб ўтилган камчиликларни бартараф этиш юзасидан белгиланган топшириқлар ижросига эътиборсизлик билан қараганлиги учун" жазо қўлланган.
Мазкур фармойишнинг ижросини таъминлаш вилоят ҳокимлиги ташкилий-кадрлар гуруҳи раҳбари Ф.Менглиев зиммасига юкланган.
Қосим Мардонов 1975 йил 24 ноябрда Термиз туманида туғилган. 1997 йил Тошкент давлат иқтисодиёт университетини тугатган. Маълумоти бўйича мутахассислиги иқтисодчи. 2023 январдан буён Ангор тумани ҳокими сифатида ишламоқда.
Эслатиб ўтамиз, аввал Андижонда ҳам бир неча ҳокимлар огоҳлантирилганди.
