Кўп квартирали уйларни рухсатномасиз қурганлар беш йилгача қамалиши мумкин
Шаҳарсозлик тўғрисидаги қонунчиликни бузиш одам ўлишига ёхуд бошқа оғир оқибатларга сабаб бўлса беш йилдан етти йилгача озодликдан маҳрум қилиш билан жазоланиши белгиланди.
Кўп квартирали уйларни рухсатномасиз қуриш учун жавобгарлик кучайтирилади.
Қонун (ЎРҚ-1179-сон, 28.09.2026 й.) билан қурилиш соҳасида давлат назорати ва бошқарувини янада такомиллаштиришга қаратилган ўзгартириш ва қўшимчалар киритилди.
“Лицензиялаш, рухсат бериш ва хабардор қилиш тартиб-таомиллари тўғрисида”ги Қонунга киритилган ўзгартишларга кўра, қурилиш-монтаж ишларини бошлаш учун қурилиш ва уй-жой коммунал хўжалиги соҳасида назорат қилиш ҳудудий инспекцияларидан рухсатнома олиш талаб этилади.
Жиноят кодексига киритилган ўзгартиришларга кўра, кўп квартирали уйларни қурилиш ва уй-жой коммунал хўжалиги соҳасида назорат қилиш инспекцияларининг рухсатномасисиз қуриш, шундай ҳаракатлар учун маъмурий жазо қўлланилганидан кейин содир этилган бўлса,
- уч йилдан беш йилгача озодликдан маҳрум қилиш билан жазоланиши белгиланди.
Шунингдек, шаҳарсозлик тўғрисидаги қонунчиликни бузиш одам ўлишига ёхуд бошқа оғир оқибатларга сабаб бўлса, –
- беш йилдан етти йилгача озодликдан маҳрум қилиш билан жазоланиши белгиланди.
Қонун расмий эълон қилинган кундан эътиборан уч ой ўтгач кучга киради.
