Чиқиндидан қарздорларнинг токка тўлов қилиши чекланади
Бу ҳақдаги қонун имзоланди, энди у 3 ойдан кейин кучга киради.
Жамият
8 март, 12:30
Чиқиндидан қарздорларни токка тўлов қилиши чекланади. Бу ҳақда чиқинди соҳасидаги тўлов интизоми бўйича қонунда маълум қилинган.
Қонуннинг 4-моддасида айтилишича, маиший чиқиндиларни олиб кетиш хизматидан қарздор бўлганлар электрга тўлов қилишда чеклов қўйилиши бўйича SMS орқали огоҳлантирилади.
Бунда уларга беш кун вақт берилади.
Қарздор ўз мажбуриятини бажаргач, чеклов автоматик тарзда бекор қилинади.
Экология ва Энергетика вазирликлари ушбу қонун талабларини халққа тушунтиришда масъул этиб белгиланган.
Ушбу қоидалар 3 ойдан сўнг кучга киради.
