Қибрайда электрдан салкам ярим млрд сўмлик қарз ундириб олинди
МИБ Қибрай бўлимига йилнинг ўтган 10 ойида жами 15 млрд 465 млн сўм қарздорлик ундириш тўғрисидаги ишлар келиб тушган.
Қибрайда 462 млн сўмлик электр энергиясидан бўлган қарздорлик ундирилди.
Мажбурий ижро бюроси Қибрай туман бўлими томонидан коммунал тўловларни ундириш соҳасида муайян ишлар амалга оширилмоқда. Хусусан, суд қарорларига асосан истеъмол қилинган электр таъминоти учун юзага келган дебитор қарздорликларни ундириш бўйича жорий йилнинг ўтган 10 ойида 51 та суд қарори бўйича 15 млрд 465 млн сўм қарздорлик ундириш тўғрисидаги ишлар келиб тушган.
Ижро ҳаракатлари натижасида 40 та 10 млрд 291 млн сўмлик ижро ишлари тамомланган.
Хусусан, Чирчиқ туманлараро иқтисодий судининг ижро варақасига асосан қарздор “А” МЧЖдан ундирувчи "Ҳудудий электр тармоқлари" фойдасига 462 млн 898 минг сўм истеъмол қилинган электр энергияси бўйича юзага келган дебитор қарздорлиги ундирилиб, таъминотчи корхона ҳисоб рақамига ўтказилди.
Bжро иши Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонунининг 41-моддаси 1-бандига асосан амалда тамомланди.
