Қозоғистонда номаълум шахс аэропорт ходимини гаровга олди
Мазкур ҳодисадан президент Қосим-Жўмарт Тўқаев ҳам бохабар қилинган.
Қозоғистонда номаълум шахс аэропорт ходимини гаровга олди.
Қозоғистоннинг Олмаота шаҳридаги халқаро аэропорт ҳудудида номаълум шахс аэропорт ходимини гаровга олиб, пичоқ билан таҳдид қилди.
Бу ҳақда маҳаллий ОАВ хабар бермоқда.
Orda.kz нашрининг ижтимоий тармоқларда хабар беришича, ҳодиса маҳаллий вақт билан 11:45да ички рейслар терминалида содир бўлган. Гувоҳларга кўра, тажовузкор эркак ҳужжатларни кўрсатишни сўрагач, аэропорт вакилига ҳужум қилган.
Етти дақиқадан сўнг, эркак полиция бўлими ва авиация хавфсизлиги хизмати ходимлари томонидан қуролсизлантирилди.
Айни пайтда эркак қўлга олинган ва полиция бўлимида.
Маълумотларга кўра, Муса Абдраим исмли шахс гаровга олинган аэропорт ходимни қутқарган.
Мазкур ҳодиса Қозоғистон президенти Қосим-Жўмарт Тўқаевгача етиб борган. Президент ходимни қутқарган шахсни мукофотни тақдим этишни гапирган.
