"Шахмат ўйнаб, президент билан учрашишим мумкин"
Ўзбекистон ёшлари таниқли шахматчи Гулруҳбегим Тоҳиржоновадан илҳомланиб, шундай фикрда юрибди.
Элиф Аҳмедова UzChess Global лойиҳаси доирасида Ўзбекистоннинг энг кучли шахматчиларидан бири Гулруҳбегим Тоҳиржонова билан инглиз тилида интервю олди.
Маълумот учун, UzChess Global лойиҳаси ўзбек шахматчиларини дунё бўйлаб танитиш билан шуғулланади, шу сабаб интервю инглиз тилида ташкил этилган.
– Мен сизнинг Ўзбекистон президенти Шавкат Мирзиёев билан тушган суратингизни кўрдим. Бу унутилмас лаҳза бўлса керак. Шу учрашувда эсда қоларли бирор нарса бўлдими?
– Албатта. Биласизми, бу вазиятнинг ҳар бир жиҳати аҳамиятли. Бу ажойиб эди. Улар шахматга эътибор қаратишмоқда, энг муҳими шу, мен шуни қадрлайман. Президентнинг ўзи ҳам шахмат ва шахматчилар ҳақида қайғурмоқда. Ўзим шундай хулосага келдим, ҳа, биз тўғри йўлдамиз. Бу менга шахматчилар Ўзбекистонда қадрланаётганини ҳис қилдирди.
Фақат мен эмас, умид қиламанки, ёш қизлар ва умуман ёш авлод бу учрашувдан илҳом олади. Чунки ўзим ҳам илҳомландим. Бу янада кўпроқ ўйнаш, ўз устимда ишлаш истагини беради, чунки улар менга ишонишмоқда. Умид қиламанки, бу лаҳзалар ёш авлодни шундай фикрлашга ундайди: “Ҳа, мен шахмат ўйнаб, катта ютуқларга эришишим, ҳатто президент билан учрашишим мумкин.” Бу мен учун жуда катта аҳамиятга эга.
Интервюни тўлиқ ҳолда юқорида кўришингиз мумкин.
