Қаюм Ҳушбақов Пахтачи тумани ҳокими бўлди
Бугун Самарқанд вилоятининг уч туманида ҳоким тайинланди.
Пахтачи тумани ҳокими ўзгарди.
Бугун Пахтачи туманида ҳам Халқ депутатлари туман Кенгашининг навбатдан ташқари сессияси ўтказилди.
Унда Самарқанд вилояти ҳокими вазифасини бажарувчи Адиз Бобоев иштирок этиб, Пахтачи туманини ижтимоий-иқтисодий ривожлантириш борасида олиб борилаётган ишлар, эришилган натижалар ҳамда йўл қўйилган камчиликларга тўхталган.
Вилоят раҳбари Хушбақов Қаюм Норбекович номзодини Пахтачи тумани ҳокими этиб тайинлаш таклифини билдирди.
Номзод депутатлар томонидан бир овоздан маъқулланди.
Қаюм Хушбақов тайинловга қадар Самарқанд вилояти ҳокимлиги ахборот-таҳлил гуруҳ раҳбари вазифасида фаолият юритиб келаётган эди.
Аввалроқ Жомбой ва Нурободда ҳам ҳоким алмашганди.
