Қозоғистондаги конда етти ишчи ҳалок бўлди
Ҳодиса Улитау вилоятида содир бўлган. Президент Қосим-Жўмарт Тўқаев кончиларнинг ўлими юзасидан тергов ўтказишни буюрди.
Қозоғистоннинг Улитау вилоятидаги Жўмарт конида фожиа юз берди. Кондан етти ишчининг жасади топилди.
Қидирув-қутқарув ишлари давомида қутқарувчилар "Qazaqmix Corporation" МЧЖнинг етти нафар ходимининг жасадини топди.
Уларнинг шахси аниқланмоқда, деб хабар беради Фавқулодда вазиятлар вазирлиги.
Ҳодисанинг барча ҳолатларига ойдинлик киритиш учун тергов ҳаракатлари олиб борилмоқда. Воқеа жойида Қозоғистон Фавқулодда вазиятлар вазирлиги иш олиб бормоқда.
“Дастлабки маълумотларга кўра, "Казакмикс" корпорацияси конлари учун хос бўлмаган табиий газ портлаши содир бўлган”, — дейилади хабарда.
17 феврал куни Жўмарт конида тош массаси қулаб тушди. Воқеа натижасида вайроналар остида етти киши қолган. Ҳодисани текшириш учун ҳукумат комиссияси тузилди.
Қосим-Жомарт Тўқаев кончиларнинг ўлими юзасидан чуқур тергов ўтказишни буюрди.
Қозоғистон президенти Улитов вилоятидаги "Казакмикс" корпорациясининг конида тош қулаши оқибатида ҳалок бўлган ишчиларнинг оила аъзолари ва яқинларига ҳамдардлик телеграммаси йўллади.
Давлат раҳбари ҳукуматга фожиа сабабларини чуқур ўрганиш бўйича топшириқ берди.
Тегишли бошқармалар ва вилоят ҳокимлигига ҳалок бўлганларнинг оила аъзоларига ҳар томонлама ёрдам кўрсатиш бўйича топшириқлар берилди.
