Бухорода авто эҳтиёт қисмлари дўкони ёнди
Ёнғин оқибатида одамларнинг жароҳат олиши ва ҳалок бўлиш ҳолатлари кузатилмаган.

Бухорода авто эҳтиёт қисмлари дўкони ёниб кетди.
Бугун Қоракўл туман Фавқулодда вазиятлар бўлимига Қоракўл тумани "Эски қала" МФЙ йўл ёқасида жойлашган автоэҳтиёт қисмлари дўконида ёнғин юзага келганлиги тўғрисида хабар келиб тушган.
Хабарга кўра воқеа жойига 3 та ёнғин қутқарув автоэкипажлари жалб қилинди. Ёнғин оқибатида авто эҳтиёт қисмлар савдо дўконининг 80 кв.м майдонда том қисми ва ичидаги эҳтиёт қисмлари ёнган.
Ёнғин бир соатда батамом ўчирилди.
Ёнғин оқибатида фуқароларнинг куйиш ва ҳалок бўлиш ҳолатлари аниқланмади. Ҳозирда ёнғиннинг келиб чиқиш сабаби ва моддий зарари бўйича тергов олди суриштирув ишлари олиб борилмоқда.