Тошкентдаги тикувчилик корхонасида йирик ёнғин содир бўлди. Бу ҳақда Тошкент шаҳар ФВБ хабар берди.
27 январ куни соат 21:33 да Учтепа тумани, “Тақачи” МФЙ Тақачи кўчасида жойлашган, тикувчилик корхонасининг омборида ёнғин бўлаётганлиги тўғрисида, Тошкент шаҳар ФВБга хабар келиб тушган.
Ёнғин қутқарув экипажлари айтилган манзилга соат 21:40 да етиб борган.
Ёнғин натижасида тан жароҳати олган ва вафот этган фуқаролар тўғрисида хабар келиб тушмади.
Воқеа жойига Тошкент шаҳар ФВБ раҳбарияти ҳамда маъсул ташкилотларнинг вакиллари чиққан.
Ёнғин соат 01:41 да ўчирилган. Ҳозирда ёнғин сабаби ва келтирилган моддий зарар аниқланмоқда.
