Хитойдаги бозорда портлаш юз берди
Ҳозирча уч киши ўлгани маълум, ўттиздан ошиқ киши жароҳатланган.
Жамият
27 январь, 9:58
Хитойнинг Ляонин провинциясидаги Шенян шаҳридаги бозорда портлаш рўй берди. Оқибатда камида уч киши ҳалок бўлди.
Фожиа Шенян Дадонг озиқ-овқат бозори марказида юз берди. Портловчи қурилма оломон ичида ҳаракатга келган.
Оқибатда уч киши ҳалок бўлган, 30 дан ортиқ киши жароҳатланган.
Маҳаллий ҳукумат фавқулодда вазиятнинг турли версияларини, жумладан, скутер аккумуляторининг портлаши ва газ портлашини кўриб чиқмоқда. Бир қатор оммавий ахборот воситалари ҳодисани теракт сифатида баҳоламоқда.
