Лос-Анжелесда яна йирик ёнғинлар бошланди
50 мингдан ортиқ одам эвакуация бўйича буйруқ ва огоҳлантириш олган.
Лос-Анжелес шимолида бошланган янги ўрмон ёнғинлари 20 квадрат километрдан ортиқ майдонни эгаллаб олди.
50 мингдан ортиқ одам эвакуация бўйича буйруқ ва огоҳлантириш олди, дея хабар беради AP.
Ёнғин 22 январ куни эрталаб содир бўлган. Бир неча соат ичида ёнғин 39 квадрат километрни йўқ қилди ва алангаланишда давом этмоқда.
Калифорния ўрмон хўжалиги ва ёнғиндан ҳимоя қилиш департаменти комиссари Жо Тайлернинг айтишича, қутқарувчилар табиий офатни тўхтатишга ҳаракат қилишмоқда.
Лос-Анжелес округида 7 январ куни бошланган ўрмон ёнғинлари Калифорния штати тарихидаги энг йирик ёнғинлар саналади.
Метеорологларнинг фикрича, қуруқ ва шамолли об-ҳаво ёнғиннинг тез тарқалишига сабаб бўлган.
Ёнғинларнинг умумий майдони 16 минг гектардан ошди. Камида 25 киши ҳалок бўлган. Умумий зарар 300 млрд долларга яқинлашди.
