Тошкент вилоятида бош ҳисобчи 1,9 млрд сўмни ўзлаштиргани аниқланди

Тошкент вилоятида 1,9 млрд сўмни ўзлаштирган бош ҳисобчи аниқланди.

Бош прокуратура ҳузуридаги Департаментнинг Тошкент вилояти бошқармаси томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилган.

Унда фуқаро С.О. “L.A.” ва “Z.P.” МЧЖларнинг бош ҳисобчиси лавозимида ишлаб келиб, ушбу корхоналарнинг электрон рақамли имзо калитларидан фойдаланган.

Оқибатда жами 1,9 млрд сўм маблағларини ўзининг пластик картасига ўтказиб олиб, ўзлаштириш йўли билан талон-торож қилган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.