Ўзбекистон, Тожикистон ва Қирғизистон бош вазирлари Фарғонада учрашди

8 январ куни Фарғона вилоятининг Ўзбекистон, Қирғизистон, Тожикистон давлат чегаралари туташган нуқтада уч мамлакат ҳукуматлари раҳбарлари бошчилигидаги делегациянинг учрашуви бўлиб ўтди.

Томонлар ушбу учрашув уч мамлакат Давлат раҳбарлари – Ўзбекистон Республикаси Президенти Шавкат Мирзиёев, Қирғиз Республикаси Президенти Садир Жапаров ва Тожикистон Республикаси Президенти Эмомали Раҳмон ўртасида ҳамкорлик ва минтақавий интеграцияни мустаҳкамлаш мақсадида давлат чегараси масалалари бўйича аввал эришилган келишувлар доирасида ўтказилаётганини таъкидланди.

"Мазкур учрашув халқларни бирлаштирувчи уч давлат чегараси туташган ҳудудда ўтказилгани рамзий маънога эга", дейилади хабарда.

Шунингдек, учрашувда бўлажак уч томонлама тадбирларни ташкил этиш билан боғлиқ масалалар муҳокама қилинган.