Истанбулдаги ёнғинда 29 киши қурбон бўлди
Ҳодиса шаҳарнинг Европа қисмида жойлашган турар-жой биносининг биринчи қаватидаги клубда юз берган.
Истанбулдаги тунги клубда содир бўлган ёнғин 29 кишининг ҳаётига зомин бўлди. Фожиа таъмирлаш ишлари вақтида юз берган.
Истанбулдаги тунги клублардан бирида таъмирлаш ишлари олиб борилаётган ёнғинда камида 29 киши ҳалок бўлди. Саккиз киши тан жароҳати олди, улардан етти нафари оғир аҳволда касалхонага ётқизилди, дея хабар бермоқда Anadolu давлат агентлиги.
Таъмирлаш учун ёпилган тунги клуб шаҳарнинг Европа қисмидаги Бешиктош туманидаги 16 қаватли турар-жой биносининг биринчи қаватида жойлашган эди.
Ёнғин назоратга олинган. Ҳодисани бартараф этиш учун 31 ўт ўчириш машинаси ва 89 ходим жалб этилган.
Истанбул губернатори Довут Гул ёнғин сабаблари ҳозирча номаълумлигини айтиб, ҳалок бўлганлар таъмирлаш ишларида қатнашган ишчилар эканлигини таъкидлади. Унинг сўзларига кўра, тунги клуб 1987 йилда олинган лицензияга эга бўлиб, у 2018 йилда янгиланган. Ёнғин юзасидан тергов бошланиб, 5 нафар гумонланувчини ҳибсга олиш учун ордер берилди.
