Москвадаги теракт қурбонлари сони 60 нафарга етди. Асосий маълумотлар

Теракт учун жавобгарликни ким ўз зиммасига олгани ҳам маълум бўлди. 

Жаҳон
23 март, 8:54
Москвадаги теракт қурбонлари сони 60 нафарга етди. Асосий маълумотлар

Москвадаги "Крокус сити холл" концерт залидаги теракт қурбонлари сони 60 нафарга етди. Бу ҳақда Россия тергов қўмитаси хабар берган. 

Терговчилар ҳалок бўлганларнинг жасадларини кўздан кечирмоқда.

"Афсуски, қурбонлар сони ортиши мумкин", — дейилади Тергов қўмитаси баёнотида.

Теракт содир этилган жойдан далиллар ва видеокамера ёзувлари олиб қўйилиб, зарур экспертиза тайинланади.

Шунингдек, сўнгги маълумотларга кўра, ИШИД теракт учун жавобгарликни ўз зиммасига олган. АҚШ хизматларига кўра, ҳодиса ортида "ИШИД Хуросон" гуруҳи турибди. 

Украина президенти девони бошлиғи маслаҳатчиси Михаил Подоляк терактга мамлакатнинг алоқаси йўқлигини билдирди. Унинг айтишича, Бу ҳодиса "Россия махсус кучларининг провокацияси" бўлиши мумкин. 

Эслатиб ўтамиз, 22 март куни тунда Москвадаги концерт залида қуролланган шахслар теракт уюштирди. Дастлаб 40 киши ўлгани хабар берилди. Ўзбекистон президенти Шавкат Мирзиёев ҳодиса юзасидан Россия раҳбари Путинга таъзия билдирди. 

© 2023 Platina.uz. Барча ҳуқуқлар ҳимояланган. «Platina.uz» сайтида жойланган маълумотлар муаллифнинг шахсий фикри. Сайтда жойланган ҳар қандай материаллардан ёзма рухсатсиз фойдаланиш тақиқланади.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан 02.12.2022 санасида №051412 сонли гувоҳнома билан ОАВ сифатида рўйхатга олинган.
Platina.uz сайтида реклама жойлаштириш масаласида +998 97 022 01 10 телефон рақамига (Telegram: Platina PR) мурожаат қилинг. Таҳририят билан алоқа: info@platina.uz
18+