Чилидаги йирик ўрмон ёнғинларида қарийб 100 киши ҳалок бўлди
Мамлакатда мотам эълон қилинди.
Чилидаги содир бўлаётган йирик ўрмон ёнғинлари оқибатида камида 99 киши ҳалок бўлди. Янгиланган маълумот давлат суд-тиббиёт экспертизаси хизмати томонидан Х ижтимоий тармоғида маълум қилинган.
Аввалроқ 64 киши ҳалок бўлгани, 372 нафари бедарак йўқолганлиги маълум эди.
Чили президенти Габриел Борич қурбонлар сони ортиши мумкин. Қутқарувчилар вайрон бўлган уйларни кўздан кечирмоқда. Баъзи жабрланганлар касалхонада оғир аҳволда.
Эслатиб ўтамиз, Чили марказида 2 феврал куни йирик ўрмон ёнғинлари юз берди. Улар Вина дел Мар шаҳри яқинидаги Валпараисо минтақасида айниқса кескин тус олди. Камида 1,6 минг киши уй-жойсиз қолди. 1931 йилда ташкил этилган ботаника боғи ёниб битди.
Чили ҳукумати Валпараисо вилоятида фавқулодда ҳолат эълон қилди. 5 февралдан бошлаб уч кунлик мотам эълон қилинган.
