Магнус Карлсен жаҳон чемпионатини можароли тарзда тарк этди
У мусобақаларга жинси шимда келган ва қўйилмаган. Бундан жаҳлланган шахматчи турнир билан хайрлашди.
Норвегиялик шахматчи Магнус Карлсен жинси шим сабаб АҚШдаги турнирни тарк этди.
Шахматчи FIDEни турли қоидалар ўрнатишда айблади ва блиц бўйича жаҳон чемпионатида иштирок этишдан бош тортди.
28 декабр куни Карлсен кийиниш қоидаларини бузгани учун Нью-Йоркда бўлиб ўтадиган Жаҳон Рапид чемпионатидан дисквалификация қилинди.
"Мен хонага боришга, кийим алмаштиришга зўрға вақт топдим, ҳатто жинси ҳақида ўйламагандим ҳам. Кийимимни алмаштиришим кераклиги ҳақида огоҳлантириб, кейин жаримага тортишди. Мен эcа эртага кийим алмаштираман дедим. Ўша пайтда нима бўлаётганини тушунмадим, лекин ҳозир кийим алмаштиришим кераклигин талаб қилишди.
Ҳечқиси йўқ, улар ўз қоидаларини ишлаб чиқиши мумкин, мен бунга қарши эмасман. Менинг жавобим ажойиб, бу турнирдан кетаман", - деган Карлсен.
Freestyle Chess - бизнесмен Ян Ҳенрик Бюттнер ва Карлсен томонидан яратилган турнирлар туркуми.
Ўйинлар бошланишидан олдин оқ ва қора пиёдалар классик тарзда, бошқа тошлар эса эса қуръа бўйича жойлаштирилади.
