Нилуфар Нормирзаева Тошкент вилояти ҳокими ўринбосари этиб тайинланди
У тайинловга қадар Янгийўл тумани ҳокими ўринбосари – оила ва хотин-қизлар бўлими бошлиғи вазифасида ишлаб келаётган эди.
Жамият
5 кун аввал, 20:27
Фото: Тошкент вилояти ҳокимлиги.
Нормирзаева Нилуфар Анваржановна - Тошкент вилояти ҳокими ўринбосари – оила ва хотин-қизлар бошқармаси бошлиғи этиб тайинланди. Бу ҳақда вилоят ҳокимлиги хабар берди.
Нилуфар Нормизаева 1976 йил Тошкент вилояти Янгийўл шаҳрида туғилган. Маълумоти олий. Мутахассислиги - мусиқа ўқитувчиси, миллий ғоя, маънавият асослари ва ҳуқуқ таълими.
У фаолияти давомида Янгийўл тумани ҳокимлигининг бир қатор масъул лавозимларида фаолият олиб борган.
Тайинловга қадар, Янгийўл тумани ҳокими ўринбосари – оила ва хотин-қизлар бўлими бошлиғи вазифасида ишлаб келаётган эди.
Аввалроқ Зебо Саидова Самарқанд вилояти ҳокими ўринбосари бўлганди.
