Ўзбекистонга яна совуқ об-ҳаво қайтиши кутилмоқда
16 декабрда ҳаво ҳарорати минимуми шимолда - 15°С, республиканинг катта қисмида эса - 12°С, водий вилоятларида -10°С гача пасаяди. Қор ёғиши мумкин.
Ўзбекистонда ҳафта давомидаги бироз илиқ ҳароратдан сўнг совуқ яна қайтади. 15-16 декабрда ҳудудларда қор ёғиши кутилмоқда.
Шимолда 14 декабрда баъзи жойларда ёғингарчилик (ёмғир, қор) бўлади, 15 декабрда баъзи жойларда қор ёғади. 16 декабрда ёғингарчилик кутилмайди. Баъзи жойларга туман тушиши мумкин. Ғарбий шамол йўналишини ўзгартириб, шарқдан
7-12 м/с тезликда эсади, баъзи жойларда 13-18 м/с гача кучайиши мумкин. Ҳарорат 14 декабрда кечаси 0-5° совуқ, кундузи 0-5° илиқ, 15 декабрда кечаси 3-8° совуқ, кундузи 0-5° совуқ; 16 декабрда кечаси 10-15° совуқ, кундузи 3-8° совуқ бўлади.
Марказий вилоятларда ҳарорат 14 декабрда кечаси 0-5° илиқ, кундузи 7-12° илиқ; 15 декабрда кечаси 0-5° илиқ бўлади, кундузи 3° совуққача пасаяди; 16 декабрда кечаси 7-12° совуқ, кундузи 0-5° совуқ бўлади.
Жанубда ҳарорат 14 декабрда кечаси 2-7° илиқ, кундуз 9-14° илиқ; 15 декабрда кечаси 2-7° илиқ бўлади, кундузи 0-2° совуққача пасаяди; 16 декабрда кечаси 3-8° совуқ, кундузи 3° совуқ-2° илиқ бўлади.
Водий вилоятларида ҳарорат-5-10 даражагача пасаяди. Тоғли ҳудудларда ҳарорат минимуми -13 даражагача тушади.
