Марказий банк раиси лавозимидан олиниши кутиляпти
Президент Марказий банк раисини лавозимдан бўшатиш бўйича Олий Мажлис Сенатига тақдимнома киритди.
Марказий банк раиси Мамаризо Нурмуратов ишдан олиниши кутилмоқда.
Ўзбекистон Республикаси Президенти томонидан Олий Мажлис Сенатига Марказий банк бошқаруви раиси Мамаризо Нурмуратовни эгаллаб турган лавозимидан озод этиш тўғрисида тақдимнома киритилди. Бу ҳақда президент матбуот хизмати хабар берди.
Мамаризо Нурмуратов 1960 йил Самарқанд вилоятида туғилган. 1993-1996 — Ўзбекистон Республикаси Марказий банки илмий тадқиқотлар маркази директори.
1996-2000 — Ўзбекистон Республикаси Марказий банки раисининг биринчи ўринбосари.
2000-2004 — Ўзбекистон Республикаси Молия вазири.
2004-2006 — Самарқанд вилояти ҳокими.
2006-2017 — Ўзбекистон Республикаси Марказий банки раисининг маслаҳатчиси сифатида ишлаган.
2017 йилдан — Ўзбекистон Республикаси Марказий банки раиси лавозимида ишлаб келаётганди.
