Жанубий Кореядаги ўзбеклар огоҳликка чақирилди

Жанубий Кореяда юзага келаётган ички сиёсий вазиятдан келиб чиққан ҳолда, мамлакатдаги ўзбеклар турли митинглар ва намойишларда иштирок этмасликка, одамлар гавжум жойларга бормасликка чақирилди.

"Ўзингизнинг шахсий хавфсизлигингиз ва соғлигингизни эҳтиёт қилишга чақириб қоламиз. Зарурат бўлган ҳолатда қуйидаги телефон рақамга мурожаат қилишингиз сўралади: +82 10 3213 4505, +82 10 2909 4334", дейилади хабарда.

Аввалроқ Жанубий Кореяда ҳарбий ҳолат эълон қилинганди. Бу сўнгги 44 йил ичида биринчи марта содир бўлмоқда.

Айни пайтда Жанубий Корея парламенти ҳарбий ҳолатни бекор қилиш учун овоз берди.