Жанубий Кореяда ҳарбий ҳолат эълон қилинди
Президент Юн Сок Ёл мухолиф Демократик партияни Шимолий Кореяга ён босишда айблаб чиқди.
Жанубий Корея президенти Юн Сок Ёл мамлакатда ҳарбий ҳолат эълон қилди, деб хабар бермоқда Yonhap.
Бу қарор, давлат раҳбарининг сўзларига кўра, "Шимолий Кореяни қўллаб-қувватловчи кучларни йўқ қилиш ва эркин конституциявий тузумни ҳимоя қилиш" учун қабул қилинган.
Президент Юн Сок Ёл (2022 йилда "Халқ қудрати" партиясидан сайланган) мухолиф Демократик партиядан бўлган рақибларини айблади. Унинг айтишича, парламентни назорат қилувчи партия Шимолий Кореяга хайрихоҳлик ва ҳукумат ишини фалаж қиладиган давлатга қарши ҳаракатлар содир этмоқда.
Yonhap агентлиги таъкидлашича, томонлар ўртасида бюджет бўйича келишмовчиликлар давом этмоқда, Демократик партия уни қисқартириш, жумладан, ҳукумат захира фонди, президент девони ва ҳуқуқ-тартибот идоралари учун сарф-харажатлар камайтириш тарафдори.
Жанубий Корея Мудофаа вазирлиги барча турдаги қўшинлар қўмондонларига жанговар шайликни оширишни буюрган.
