Ўзбекистон ЖСТга аъзолик бўйича Хитой билан музокараларни якунлади
Аввалроқ бошқа бир йирик давлат - АҚШ билан музокаралар тугалланганди. Шундай қилиб, 22 та мамлакат билан музокаралар охирига етказилди.
Ўзбекистон Жаҳон савдо ташкилотига аъзо бўлиб кириш бўйича Хитой билан икки томонлама музокараларни якунлади. Бу ҳақда Ўзбекистон Республикаси Президентининг Жаҳон савдо ташкилоти масалалари бўйича махсус вакили Азизбек Ўрунов маълум қилди.
Яқинда АҚШ билан ҳам музокаралар якунланган эди. АҚШ ва Хитойнинг Жаҳон савдо ташкилотидаги нуфузини инобатга оладиган бўлсак, бу муҳим ютуқ саналади.
"Йил якуни Ўзбекистоннинг Жаҳон савдо ташкилотига аьзолиги бўйича жуда мазмунли бўлмокда - иккита энг йирик глобал савдо эгалари - Америка ва Хитой билан музокалар якунланди", дея ёзган Ўрунов.
Шундай қилиб, 22 та мамлакат билан музокаралар охирига етказилди.
Эслатиб ўтамиз, ноябр ойи бошида АҚШ Ўзбекистонни ЖСТга киришини қўллаб-қувватлаши маълум бўлганди. Музокаралар 14 ой давом этди.
