Литвада юк самолёти турар-жой биноси устига қулади
Самолёт бортида тўрт учувчи борлиги маълум, ҳозирча улардан бири қутқарилган.
Жамият
25 ноябрь 2024 йил
25 ноябр куни эрталаб Вилнюс аэропорти яқинида DHL юк самолёти ҳалокатга учради. Бу ҳақда Reuters агентлиги аэропорт расмийлари ва Литва полициясига асосланиб хабар берди.
Delfi хабарига кўра, самолёт икки қаватли турар-жой биноси устига қулаган. Воқеа жойида катта ёнғин келиб чиққан.
Самолётда тўрт киши бўлганлиги айтилмоқда. Дастлабки маълумотларга кўра, учувчилардан бири қутқариб қолган. Яна бир кишининг ўлими тасдиқланган. Уйда яшовчиларга зарар етмаган.
Flightradar 24 хизмати маълумотларига кўра, гап Лейпцигдан учаётган Boeing 737 юк самолёти ҳақида кетмоқда.
