Сурхондарё вилоятига прокурор тайинланди

Бош прокурорнинг буйруғига асосан адлия катта маслаҳатчиси Бахтиёр Бекович Бобожонов Сурхондарё вилояти прокурори лавозимига тайинланди.

Бобожонов тайинловга қадар Бош прокуратура бошқарма бошлиғи лавозимида ишлаган.

Сурхондарё вилояти прокурори лавозимида 2019 йилдан буён Садриддин Турдиев ишлаб келаётганди. Турдиевнинг янги иш жойи ҳақида ҳозирча маълумот йўқ.

Аввалроқ Муродулло Абдуҳакимов Андижон вилояти прокурори лавозимига тайинланганди.