Тошкентдаги меҳмонхонада уч киши вафот этди

Тошкентдаги меҳмонхонада уч киши вафот этди, уларнинг икки нафари Россия фуқароларидир.

Бош прокуратура хабарига кўра, 2024 йил 20 октябрь куни Миробод туманида жойлашган меҳмонхонада Россия Федерацияси фуқаролари 1979 й.т Радченко Максим ва 1977 й.т Паперная Инесса Викторовналарнинг вафот этганлиги аниқланган. Инесса Паперная журналист сифатида Lenta интернет нашри ва "Профил" журналида ишлаган.

Бундан ташқари, ушбу меҳмонхонанинг бошка хонасидаги ювиниш жойида Ўзбекистон Республикаси фуқароси 1976 й.т. У. Х. нинг вафот этганлиги аниқланган.

Дастлабки суд тиббий ташхисига кўра, марҳумларнинг ўлими номаълум этиологияли заҳарланишдан келиб чиққанлиги кўрсатилган.

Мазкур ҳолат юзасидан Жиноят кодексининг 186-моддаси 4-қисми “а” банди билан жиноят ишини қўзғатилди. Тергов харакатлари олиб борилмокда.