Қозоғистонда АЭС бўйича референдум натижалари маълум қилинди

Қозоғистонда аҳолининг 70 фоиздан ошиғи АЭС қуриш бўйича референдумда лойиҳани қўллаб-қувватлади.

Қозоғистон Давлат сиёсати институтининг иккинчи экзит-полл натижаларига кўра, сўровда қатнашган қозоғистонликларнинг 72,3 фоизи АЭС учун, 27,7 фоизи эса АЭСга қарши овоз берган.

Zakon.kz сайти буюртмаси билан ўтказган Евроосиё интеграцияси институтининг экзит-полл маълумотларидан маълум бўлишича, "фуқароларнинг 71,8 фоизи Қозоғистонда атом электр станцияси қурилишини ёқлаб овоз берган, 28,2 фоизи қарши овоз берган".

6 октябр, якшанба куни Қозоғистонда атом электр станциясини қуриш бўйича референдум бўлиб ўтди.

Марказий сайлов комиссиясининг дастлабки маълумотларига кўра, Қозоғистонда референдумда 63,87 фоиз овоз берувчилар иштирок этган.