Қибрайдаги ёнғин юзасидан жиноят иши қўзғатилди

Тошкент давлат аграр университетидаги ёнғин юзасидан иш очилди. Бу ҳақда Тошкент вилояти ИИББ хабар берди.

Қибрай туманида жойлашган Тошкент Давлат аграр университети ҳудудида содир бўлган ёнғин ҳолати юзасидан Ўзбекистон Республикаси Жиноят кодексининг 259-моддаси 2-қисми (Ёнғин хавфсизлиги қоидаларини бузиш) билан жиноят иши қўзғатилиб, тергов ишлари олиб борилмоқда, дейилади хабарда.

Эслатиб ўтамиз, 30 сентябр куни Тошкент давлат аграр университети ҳудудида ёнғин содир бўлди.