Экологияси бузилган тошкентликларга ниқоб тақиш тавсия этилди
Пойтахт халқаро рейтингда ҳатто Ҳиндистон шаҳарларини ҳам ортда қолдирди.
Тошкент аҳолисига ниқоб тақиш тавсия этилмоқда.
Халқаро "Ҳаво сифати индекси" сайти айни вақтда Тошкент шаҳри ҳавосида PM 2.5 концентрацияси ЖССТ ҳаво сифатининг йиллик стандартидан 13,4 баравар юқорилигини кўрсатмоқда.
Ўзбекистон пойтахти ҳаво ифлослиги бўйича ҳатто Мумбай ва Лаҳор шаҳарларини ҳам ортда қолдирган.
Сайт бу ердаги ҳаво сифатини носоғлом, дея баҳолаган. Ва Тошкент аҳолисига ташқарида машқ қилмаслик, ифлос ҳаводан сақланиш учун деразаларни ёпиш, маска тақиш ҳамда ҳаво тозалагичларни ишга туширишни(агар бундай ускуна бўлса албатта) тавсия этмоқда.
Эслатиб ўтамиз, сўнгги вақтда чанг-тўзон ҳодисалари нафақат Тошкент, балки Ўзбекистон учун одатий жараёнга айланиб бормоқда. Аввалроқ БМТ ҳам Ўзбекистондаги ҳолат бўйича ташвишли баёнот берганди.
