Қашқадарёдаги ЙТҲда тўрт киши ҳалок бўлди

Қашқадарёнинг Кўкдала туманидаги ЙТҲда тўрт киши ҳалок бўлди. Бу ҳақда вилоят ИИБ маълумот берди.

Қашқадарё вилояти Кўкдала туманида Lacetti бошқарувни йўқотиши оқибатида Nexia билан тўқнашган.

ИИБ эълон қилган видеода айтилишича, ЙТҲ Кўкдала — Каттақишлоқ автомобиль йўли 10-километрида содир бўлган. Lacetti автомашинаси ҳайдовчиси бошқарувни йўқотиб, қарама-қарши йўналишга чиқиб кетган.

Ҳолат оқибатида жами 8 киши жароҳатланган, 4 киши вафот этган.

Маълумотларга кўра, вафот этганларнинг уч нафари 1998 йилда туғилган синфдошлардир.