Хитойда янги ишлаб чиқарилган атом сув ости кемаси чўкиб кетди
Ҳодиса тахминан май ёки июн ойларида рўй берган, мамлакат расмийлари воқеани яширишга уринган.
Хитойда янги ишлаб чиқарилган атом сув ости кемаси чўкиб кетди. The Wall Street Journal маълумотларига кўра, бу воқеа Ухан яқинидаги кемасозлик заводида 2024 йил май ойи охири ёки июнь ойи бошида содир бўлган.
Хитой расмийлари бу воқеани яширишга ҳаракат қилди, аммо тафсилотлар маълум бўлди.
Ҳодиса Хитой ўз флотини, жумладан ядровий сув ости кемалари флотини фаол равишда кенгайтиришга интилаётган бир пайтда юз берди. Ҳукумат саъй-ҳаракатларига қарамай, чўкиш ҳақидаги хабарлар халқаро ҳамжамиятни хавотирга солди.
Сув ости кемаси чўкиш вақтида ядровий ёқилғи олиб юрган ёки бўлмагани ҳозирча номаълум. Бироқ, айрим экспертлар буни мумкин деб ҳисоблашади. Бу ноаниқлик фақат ҳарбий сув ости кемаларининг чўкиши билан боғлиқ хавфсизлик ва экологик оқибатларга оид хавотирларни кучайтиради.
Аввалроқ Reuters агентлиги шу йилнинг ёзида Хитой Шанхай яқинидаги Чаншинг оролида йирик ҳарбий бомбардимончи кемани қуришни тезлаштираётгани ҳақида маълумот пайдо бўлганини хабар қилган эди.
Ушбу ҳарбий кема 2025 йилдаёқ сувга туширилиши мумкин. Лойиҳа уни дунёдаги энг йирик амфибия ҳужум кемаларидан бирига айлантириши мумкин, бу эса АҚШ ва бошқа мамлакатларда хавотир уйғотган.
