Россиялик сенатор Алишер Қодировнинг баёнотига жавоб қайтарди
Андрей Климов Қодировнинг баёнотидан норозилигини билдириб, Украина масаласига шаъма қилган.
Россиялик сенатор Ўзбекистон Олий Мажлиси Қонунчилик палатаси спикери ўринбосари Алишер Қодировнинг баёнотига жавоб берди.
"Миллатлараро муносабатлар жуда нозик воқеа", деди РФ Федерация Кенгашининг халқаро ишлар бўйича қўмитаси раиси ўринбосари Андрей Климов.
Сенатор Lenta.ru билан суҳбатда Ўзбекистон парламенти вице-спикери Алишер Қодировнинг бўйича мактаб ўқувчисини калтаклаган ўқитувчи билан жанжалда Россия "ўз ички ишлари билан шуғулланиши" чақириғига шундай жавоб берди.
“Мен ҳар қандай воқеа ҳақида дарҳол бундай оҳангда гапира бошлашга қаршиман. Бу ўқитувчининг қилган иши ҳеч бўлмаганда жиноятдир, балки ундан ҳам кўпроқ. Вице-спикернинг айтганлари ҳайратланарли", - дея изоҳ берди Климов.
Сенаторнинг таъкидлашича, бутун Марказий Осиёни Россия билан ва ўзаро жанжаллаштирмоқчи бўлганлар жуда кўп.
"Узоқ вақт давомида шундай йўл тутган бир мамлакат аллақачон мавжуд эди. Энди у жуда қийин вазиятга тушиб қолди", дея сенатор Украинага шаъма қилди.
"Эҳтимол ўқитувчи ҳеч қандай геосиёсий воқеалар ҳақида ўйламаган. Келинг, бу масалани расмий каналлар орқали қандай ҳал қилишимизни кўриб чиқайлик", - дея қўшимча қилди у.
Эслатиб ўтамиз, аввалроқ Россия ва Ўзбекистон ташқи ишлар вазирлари учрашиб, ички ишларга аралашмаслик масаласида гаплашишганди.
