Мирзо Улуғбек туманига ҳоким тайинланди
Баҳодир Гаибназаров аввал Олмазор ва Шайхонтоҳур туманларини ҳам бошқарган.
Жамият
25 сентябрь, 16:51
Гаибназаров Баҳодир Рихсиалиевич Мирзо Улуғбек туманининг ҳокими этиб тайинланди. Бу ҳақда пойтахт ҳокимлиги хабар берди.
Баҳодир Гаибназаров 1970 йилда Тошкент вилоятида туғилган. Маълумоти олий, 1997 йилда Тошкент давлат аграр университетини иқтисодчи-ташкилотчи, 2005 йилда Ўзбекистон Миллий университетини ҳуқуқшунос мутахассисликлари билан тамомлаган.
2021 йилдан шу кунга қадар Тошкент шаҳар ҳокимлиги ташкилий-кадрлар бўлими бошлиғи лавозимида фаолият юритиб келган.
Гаибназаров аввал Олмазор ва Шайхонтоҳур туманларини ҳам бошқарган. Жумладан у 2017-2018 йилларда Шайхонтоҳур туманини бошқарган ва президент танқиди сабаб ишдан кетганди.
