Ўзбекистон Хитойга имкониятни бой берди
Шамсиддин Воҳидов Ванг Юени мағлуб этди, аммо бу ғалаба учун етарли бўлмади. Бугун терма Францияга қарши ўйнайди.
Спорт
22 сентябрь, 9:08
Будапештда бўлиб ўтаётган бутунжаҳон шахмат олимпиадасида Ўзбекистон терма жамоаси Хитойга мағлуб бўлди.
Афсуски, бу мағлубият туфайли йигитлар 1-2 ўринлар учун курашишдан мосуво бўлишди.
Гарча мағлубиятга учраган бўлсада терма Хитойга яхши қаршилик кўрсатди.
Жумладан, Нодирбек Абдусатторов рақиби билан дуранг ўйнади, Шамсиддин Воҳидов эса Ванг Юени мағлуб этди.
Якунда минимал 1.5-2.5 қайд этилди.
Бу турда аёллар жамоаси Англияни йирик 3-1 ҳисобида мағлуб этишди.
Бугун, 11-турда, эркаклар терма жамоаси Франция терма жамоасига қарши баҳс олиб боради.
Аёллар терма жамоаси эса Туркия жамоаси билан тўқнаш келади.
