Шавкат Мирзиёев "Марказий Осиё-Германия" саммитида қатор ташаббуслар билан чиқди

Президент Шавкат Мирзиёев “Марказий Осиё – Германия” иккинчи саммитида нутқ сўзлади ва қатор таклифларни илгари сурди.

2025 йил “Марказий Осиё – Европа Иттифоқи” форматидаги навбатдаги саммит Ўзбекистонда ўтказилади.

Ўзбекистон раҳбари қуйидагиларни таклиф этди:

-Устувор соҳаларда дастурий тадбирларни қамраб олган узоқ муддатли Ҳамкорликни ривожлантириш концепциясини ишлаб чиқиш учун “Марказий Осиё – Германия” таҳлилий марказлари форумини таъсис этиш. Унинг биринчи йиғилиши Хивада ўтказилади.

-Марказий Осиё мамлакатлари ва Германия сармоявий ва технологик ҳамкорлигини кенгайтиришнинг йўл харитасини ишлаб чиқиш;

-чегара ҳудудларида яратилаётган алоҳида иқтисодий ва саноат зоналаридаги ҳамда минтақавий аҳамиятга эга йирик инфратузилма лойиҳаларни амалга оширишга етакчи немис компаниялари ва банкларини жалб этиш;

-доимий бизнес-мулоқот майдончаси – “Марказий Осиё ва Германия” инвестор ва тадбиркорлари кенгашини ишга тушириш;

-инвестицияларни рағбатлантириш ва ҳимоя қилиш тўғрисидаги кўп томонлама ҳукуматлараро битимни қабул қилиш.

-Энергетика вазирликлари, корпорациялар, операторлар, илмий ташкилотлар, лойиҳа институтлари ва тармоқ экспертларини жалб этган ҳолда Марказий Осиё мамлакатларининг Германия билан Энергетик мулоқотини йўлга қўйиш.

-Атроф-муҳит ва иқлим ўзгаришларини ўрганиш бўйича Марказий Осиё университети базасида қўшма таълим дастурлари ва илмий алмашувларни амалга ошириш;

-сувдан оқилона фойдаланишда немис технологияларини жорий этиш, ирригация тизимларини модернизация қилиш, биохилма-хилликни сақлаш, мутахассис-экологларни тайёрлашда ҳамкорлик қилиш.

-Марказий Осиёни Европа билан боғловчи муқобил транспорт йўлакларини ривожлантиришга Европа институтларини жалб этиш.