Ўзбекистон элчихонаси Курск, Брянск ва Белгороддаги ватандошларни огоҳлантирди
Ушбу ҳудудларда таҳсил олаётган ўзбекистонлик талабаларга вақтинча масофавий таълим форматига ўтиш тавсия этилган.
Ўзбекистоннинг Россиядаги элчихонаси мамлакатда бўлиб турган фуқароларни огоҳлантирди.
"Курск, Брянск ва Белгород вилоятларидаги мавжуд вазият муносабати билан Ўзбекистоннинг Россиядаги элчихонаси зарур эҳтиёт чораларини кўришни, ўта зарурат бўлмаса, кўчага чиқмасликни, шунингдек, одамларнинг кўп йиғилишига йўл қўймаслик ва жамоат жойларига боришни чеклашни тавсия қилади.
Иложи бўлса, ушбу ҳудудларда таҳсил олаётган талабаларга вақтинча масофавий таълим форматига (онлайн) ўтишни тавсия қиламиз" дейилади элчихона хабарида.
Агар консуллик ёрдами ёки маслаҳат керак бўлса, Ўзбекистоннинг Москвадаги элчихонасининг Консуллик бўлимига мурожаат ққилиш сўралган.
Эслатиб ўтамиз, август ойи бошида Украина армияси Курск вилоятига кирди. Мазкур ҳодисадан кейин Россия чегарасидаги вазият янада таранглашди.
