Футболчиларимиз олимпиадани тарк этади

Олимпиаданинг 2-турида Ўзбекистон Мисрга қарши ўйинда майдонга тушди ва аламли мағлубиятга учради.

Ўйиннинг 11-дақиқасида ҳимоячиларимизнинг қўпол хатосидан рақиблар унумли фойдаланди. Аҳмад Кока тасодифий тарзда гол урди.

Кейинчалик ҳисобни тенглаштириш ва ғалаба учун ҳар қанча уринмасин, Темур Кападзе шогирдларига омад етишмади.

Шу тариқа футболчиларимиз олимпиадани ҳаммадан вақтли тарк этадиган бўлди.

Нариги ўйинда Испания термаси Доминикан устидан 3:1 ҳисобида ғалаба қозонди. Гуруҳда испанлар 6 очко, мисрликлар 4 очко билан пешқадамлик қилмоқда. Доминиканда 1 очко, Ўзбекистонда эса 0 очко бор.

Олимпиада-2024, футбол, С гуруҳи, 2-тур

Ўзбекистон - Миср 0:1
Гол: Кока 11